Përdoreni këtë medikament gjithnjë duke ndjekur saktësisht atë që thuhet në broshurën brenda paketës ose udhëzimet e mjekut tuaj dhe/ose farmacistit. Nëse nuk jeni i sigurt, këshillohuni me mjekun ose farmacistin tuaj.

Të rriturit dhe adoleshentët mbi 15 vjeç: 1 bustinë tretet në ujë, 1-2 herë në ditë; në raste të rënda, doza ditore mund të rritet deri në 3 bustine në ditë. Intervali midis marrjeve nuk duhet të jetë më pak se katër orë.

• Mbindjeshmëri ndaj paracetamolit, kafeinës ose ndaj eksipientëve.
• Personat nën 15 vjeç.
•  Medikamentet me bazë paracetamolin janë të kundërindikuara në pacientët me anemi hemolitike të rënde.
• Insuficiencë e rëndë hepatocelulare.
• Për shkak të pranisë së aspartamit, përdorimi i Tachicaf është kundërindikuar në rastet e fenilketonurisë.

Nderveprimet me medikamentet e tjera

Tregojini mjekut ose farmacistit nëse po merrni ose keni marrë kohët e fundit ose mund të merrni ndonjë medikament tjetër.

• Medikamentet që ngadalësojnë zbrazjen e stomakut (p.sh. antikolinergjiket, opioidet), vonojnë efektin e Tachicaf.
• Medikamentet të cilat përshpejtojnë zbrazjen e stomakut (p.sh. prokinetike) përshpejtojnë efektin e Tachicaf
• Kolestiramina (medikament që përdoret për të ulur nivelin e kolesterolit në gjak), zvogëlon efektin e paracetamolit
• Kloramfenikoli (antibiotik), mund te rrise rrezikun e efekteve anesore
• Antikoagulante
• Rifampicina (antibiotik);
• Cimetidina (medikament i përdorur për trajtimin e ulcerës së stomakut)
• Antiepileptikët (medikamente për trajtimin e epilepsise), si glutetimide, fenobarbital, karbamazepina
• Zidovudina (medikament per trajtimin  e HIV).
• Clozapina
• Litium